Oda Ekonomike e Kosovës bashkë me projektin e USAID-it për Drejtësi Komerciale kanë nënshkruar një Memorandum në funksion të forcimit të bashkëpunimit midis palëve, në fushat me interes të përbashkët, njofton Kosova Post.
Objektivat kryesore të këtij memorandumi përfshijnë bashkëpunimin midis dy palëve me qëllim të mbështetjes së Odës Ekonomike të Kosovës për të zhvilluar më tej punën drejt ndërgjegjësimit, efikasitetit dhe përdorimit të metodave alternative të zgjidhjes së mosmarrëveshjeve siç janë arbitrazhi dhe ndërmjetësimi dhe kuptimit me të mirë të legjislacionit komercial. Ky Memorandum i Bashkëpunimit bazohet në parimet e koordinimit të mirë dhe angazhimit të sektorit privat në përmirësimin e drejtësisë komerciale.
“Bashkëpunimi synohet përmes shkëmbimit të informacioneve, organizimit më të mirë të aktiviteteve në lidhje me promovimin e arbitrazhit, mbledhjen e të dhënave, statistikave, vlerësimeve dhe aktiviteteve të tjera të ndërlidhura. Ky bashkëpunim ka për qëllim edhe ofrimin e ndihmës lidhur me ligjet dhe politikat që prekin bizneset dhe angazhimit aktiv të sektorit privat në dialog për përmirësimin e drejtësisë komerciale.
Në kuadër të arbitrazhit u diskutua për metodat për zgjidhjen alternative të mosmarrveshjeve komerciale, sfidat dhe mundësitë si dhe nevojat për përmirësim.
Pjesë e panelit ishin:
Z. Chris Thompson – Programi Drejtësia Komerciale – USAID Kosovo
Z. Lulzim Rafuna – Kryetar – Oda Ekonomike e Kosovës
Z. Mahir Tutulli – Kryetar – Gjykata Komerciale
Z. Behar Ejupi – Kryetar – Oda e Avokatëve të Kosovës./KosovaPost/.
