Në indeksin ndërkombëtar për perceptimin e korrupsionit në botë nga “Transparency International”, Republika e Kosovës është në vendin e 84-të nga 180 vende.
Nga rajoni para nesh janë Sllovenia (41), Greqia (51), Kroacia (57), Mali i Zi (65), kurse Maqedoni pas, e cila rënditet në të njëjtin vend është në shoqërinë e Surinamit, Indisë, Maldiveve, Guajanës dhe Tunizisë. Pas nesh janë Shqipëria dhe Serbia (101).
“Bota ka nevojë për veprim urgjent,” thotë titulli i Transparency International mbi Indeksin Botëror të Korrupsionit. Indeksi i Perceptimit të Korrupsionit 2022 tregon se shumica e vendeve po dështojnë të ndalojnë korrupsionin.
Indeksi rendit 180 vende dhe territore në mbarë botën sipas perceptimit të qytetarëve për korrupsionin në sektorin publik dhe vlerësohet në një shkallë nga 0 (shumë e korruptuar) në 100 (shumë e pastër).
Në krye të kësaj renditjeje renditen Danimarka, Finlanda, Zelanda e Re, Norvegjia, Singapori, Suedia.