Kryeshefi Ezekutiv i Sekretariatit të Komisionit Qendror të Zgjedhjeve, Burim Ahmetaj, ka thënë se nuk kanë ndonjë ngecje ose problem sa i përket verifikimit të votuesve që vijnë nga diaspora, shkruan Kosova Post.
Ahmetaj në mbledhjen e sotme të KQZ-së, bëri të ditur se deri tani kanë telefonuar mbi 8 mijë votues.
“Mbi 8 mijë votues janë telefonuar. Nuk kemi ndonjë problem teknik. Do të thërrasim disa herë, derisa të marrim verifikimin”, theksoi ai.
Ahmetaj theksoi që në mbledhjen e radhës të KQZ-së, do të dalë me një raport të detajuar rreth verifikimit të votuesve.