“Vepra e tij është një kontribut themelor për të drejtat e njeriut”. Kështu ka theksuar kryeministri Albin Kurti për ambasadorin William Walker, të cilin e priti sot në zyrën e tij, transmeton KosovaPost.
Kurti në X ka shpërndarë fotografi nga pritja që i ka bërë Walkerit për nder të 25-vjetorit të çlirimit të vendit, teksa ka thënë se pa ndikimin e ambasadorit, historia do të ishte edhe më rëndë.
“Ngjarjet në Kosovë kanë ndodhur para epokës së mediave sociale, kështu që pa vullnetin dhe integritetin e njerëzve dhe organizatave si ambasadori Walker dhe OSBE, historia mund të kishte marrë një kthesë edhe më të rëndë. Në kohët tona më të errëta, ai i shpalli botës të vërtetën e plotë dhe të panjollosur për regjimin e Millosheviqit”, ka shkruar Kurti.
