Kryeministri i Kosovës, Albin Kurti, ka arritur në Bruksel, ndërsa është pritur nga Shefi i Diplomacisë së BE-së, Josep Borrell.
Kurti do të marrë pjesë në mbledhjen e katërt të Këshillit të Stabilizim-Asociimit.
Pas Borrell, kryeministri Kurti në kuadër të kësaj vizite do të takohet edhe me zyrtarë të tjerë të lartë të Bashkimit Evropian.
Kryeministri Kurti në Bruksel po shoqërohet nga zëvendësi i tij Besnik Bislimi, ministrja e Punëve të Jashtme, Donika Gërvalla, ministri i Financave, Hekuran Murati, ministri i Brendshëm, Xhelal Sveçla, Ministri i Mjedisit dhe Infrastrukturës, Liburn Aliu dhe zëvendësministrja e Drejtësisë, Nita Shala.
Këshilli i Stabilizim Asociimit është formuar në bazë të Marrëveshjes së Stabilizim Asociimit (MSA) mes Kosovës dhe Bashkimit Evropian dhe në të analizohet zbatimi i kësaj marrëveshjeje nga të dy palët.
