Kryeministri i Kosovës, Albin Kurti, e ka uruar Alain Brestin për rizgjedhjen e tij si Sekretar i Përgjithshëm i Këshillit të Evropës, përcjell Kosova Post.
Shefi i qeverisë theksoi se Brest është mik i madh i të drejtave të njeriut, demokracisë dhe shtetit të së drejtës.
“Mezi pres të punojmë së bashku për të avancuar këto vlera themelore të Këshillit të Evropës, vlera për të cilat Republika e Kosovës është thellësisht e përkushtuar si një shtet aspirant për anëtarësim”, shprehet kryeministri Kurti.
Ndryshe, Këshilli i Europës zgjodhi Berset në këtë post të martën në mbrëmje.Parlamenti 306 anëtarësh i organizatës për të drejtat e njeriut me bazë në Strasburg mbajti një votim të fshehtë në dy raunde të martën. Berset fitoi raundin e dytë me 114 vota pro të martën pasdite. Ish-ministri i Kulturës i Estonisë, Indrek Saar, mori 85 vota në raundin e dytë dhe kandidati belg Didier Reynders doli i treti me 46 vota.
