Disa muaj pas nisjes së ofensivës ruse në Ukrainë, u bë e qartë se planet e tyre për të pushtuar Kievin kishin dështuar në total.
Në vend të kësaj, ajo që u zhvillua ishte një luftë dëshpëruese ndërsa tani forcat ruse po përgatiten për një ballafaqim afatgjatë.
Por ku gaboi Rusia?
Në një artikull për revistën amerikane Foreign Affairs, Dara Massicot, studiuese e lartë e politikave në institutin e ekspertëve RAND Corporation, tha se përgjigja “ka shumë komponentë”.
Ajo deklaroi se që në fillim të luftës kishte “shumë fshehtësi” dhe kjo u dha trupave dhe komandantëve “pak kohë për t’u përgatitur”.
“Rusia krijoi një plan pushtimi që ishte i mbushur me supozime të gabuara, udhëzime arbitrare politike dhe planifikime që largoheshin nga parimet kryesore ushtarake ruse”, shkroi ajo.
Massicot pohoi gjithashtu se shumica e udhëheqësve ushtarakë nuk u përfshinë në përpjekjet e planifikimit deri në minutën e fundit dhe për këtë arsye “nuk mund të korrigjonin gabimet e mëdha”.
“Fshehtësia e tepërt nënkuptonte gjithashtu se Moska humbi disa mundësi kyçe për të përgatitur industrinë e mbrojtjes për të prodhuar dhe ruajtur municione thelbësore”, shtoi ajo.
Analistja deklaroi se Kremlini “gabimisht besoi kishte hartuar plane të shëndosha të luftës” dhe mbetën të tronditur kur trupat e tyre u ballafaquan me një ushtri ukrainase që mbështetshin nga aleatët perëndimor.
Duke parë strukturën e ushtrisë ruse, Massicot vuri në dukje gjithashtu se pas Luftës së Dytë Botërore, Rusia nuk mund të menaxhonte një ushtri të madhe dhe vendosi të “krijonte një ushtri që do të ishte më e vogël, por më profesionale dhe e shkathët”.
Rusia gjithashtu filloi një program gjithëpërfshirës reformash për të ristrukturuar forcën dhe filloi përpjekjet për modernizim.
“Por pushtimi i Ukrainës, treguan se këto reforma ishin të pamjaftueshme”, tha ajo.
Analistja gjithashtu vuri në dukje se “ka pak prova se rusët modifikuan programet e saja të trajnimit” para pushtimit dhe “dështoi të çrrënjoste korrupsionin në mesin e ushtrisë”.
Kur bëhet fjalë për hakmarrjen e Ukrainës, Masicott tha se “Kremlini ka besuar se ukrainasit nuk do të rezistonin”.
“Bazuar në përgjigjen e Perëndimit ndaj aneksimit të Krimesë në vitin 2014 dhe dispozitave të saja relativisht të vogla për armët e vogla gjatë periudhës së luftës në vitin 2022, Moska supozonte se Shtetet e Bashkuara dhe Evropa nuk do t’i ofronin mbështetje të madhe Ukrainës, ose të paktën jo në kohë reale”, përfundoi ajo.
Ndryshe, Rusia ka nisur pushtimin e pajustifikueshëm të shtetit ukrainas më 24 shkurt duke shkaktuar mijëra viktima dhe dëme multi-miliardëshe në infrastrukturë.
