Të shtunën në Komunën e Podujevës do të zbulohet shtatorja e ish-Presidentit, Dr. Ibrahim Rugova.
Në ceremoninë e zbulimit të shtatores do të marrin pjesë zyrtarë të lartë shtetërorë, si Presidentja Vjosa Osmani-Sadriu, Kryeministri Albin Kurti, Zëvendëskryeministrja Donika Gërvalla dhe zyrtarë tjerë, familjarë të ish-Presidentit Rugova, ish-bashkëpunëtorë të tij e qytetarë nga të gjitha anët e vendit, shkruan Kosova Post.
Kjo ceremoni që organizohet nën patronazhin e Kryetarit të Komunës së Podujevës, z.Shpejtim Bulliqi, do të mbahet të shtunën, më 7 shtator, në 34-vjetorin e shpalljes së Kushtetutës së Kaçanikut
Sipas njoftimit , ceremonia mbahet në Parkun e Qytetit, afër ish-objektit të vjetër të administratës komunale dhe fillon në orën 13:00.
Agjenda e ceremonies inagurues të shtatores së Dr.Ibrahim Rugova
12:30 – 13:00 Pritja e mysafirëve dhe rënditja e tyre
13:05 – Hapja e ceremonisë
13:10 – Fjala e Presidentes, Vjosa Osmani-Sadriu
13:20 – Fjala e Zëvendëskryeministres, Donika Gërvalla
13:30 – Fjala e ish-Presidentit, Fatmir Sejdiu
13:40 – Fjala e Kryetarit të Komunës, Shpejtim Bulliqi
13:50 – Fjala e familjarit të ish-Presidentit Rugova
13: 55 – 14:10 Program kulturor-arstistik Valle dhe recitim nga nxënësit e SHFMU “Shaban
Shala”.
14:10 – Zbulimi i shtatores nga Presidentja, Kryeministri, Kryetari i Komunës dhe një familjar i
ish-Presidentit Rugova
14:15 – Mbyllja e programit./Kosova Post/
