Kryeministri i Kosovës, Albin Kurti, ka akuzuar Prokurorinë pasi që sot hyjmë në javën e tridhjetë që Milan Radojciq ende nuk ka aktakuzë për sulmin terrorist në Banjskë ku u vra rreshteri, Afrim Bunjaku.
Kryeministri i Kosovës, Albin Kurti gjatë një fjalimi në mbledhjen e Këshillit të Përgjithshëm të Lëvizjes Vetëvendosje, tha se matësit e pavarur tregojnë që përderisa gjysma e qytetarëve janë të kënqur me punën e qeverisë dhe të kryeministrit vetëm një e treta është e kënaqur me punën e prokurorëve dhe gjyqtarëve.
“Ne jemi shtet demokratik, pushtetet dhe përgjegjësitë i kemi të ndara por shtetin e kemi të përbashkët, prandaj kto statsitika nuk janë thjeshtë numra për tu cituar por fakte të verifikueshme për tu adresuar,” tha Kurti.
Sipas kryeministrit, në veri të vendit tonë është ulur ilegaliteti dhe është shtuar ligjshmëria dhe siguria.
“Janë mbyllur 27 rrugë ilegale dhe janë shkatërruar 9 laboratore droge atje 6 të kriptovalutave dhe 4 depo të armatimit, janë sekurstruar alarme e kamera të strukturave ilegale dhe armatim e asete në vlerë prej 15milionë euro,” ka thënë Kurti.
Poashtu për të rritur sigurinë Kurti tha se janë ngritur 9 stacionë policore për mbikqyrje të kufirit.
Ndërkaq sa i përket Milan Radojciq i cili sipas Kurtit e ka pranuar pjesëmarrjen dhe autorësinë për vrasjen e Afrim Bunjakut, është java e tridhjetë që nuk ka ende aktakuzë ndaj tij. Shkruan rtv.dukagjini.“Sot po hyjmë në javën e tridhjetë prej kur kryekrimineli Milan Radojciq i saksionuar nga SHBA dhe Mbretëria e Bashkuar ende nuk ka aktakuzë nga Prokuroria e Shtetit për sulmin terrorist që na e vrau reshterin, heroin Afrim Bunjakun, sulm për të cilin ai pranoi publikisht pjesëmarjen dhe autorsinë, edhe java e tretë po të ishte pa aktakuzë do të duhej të problematizohej se lëre më java e tridhjetë që jemi sot,” shtoi Kurti.
