Kryeministri i Kosovës, Albin Kurti tashmë ka udhëtuar drejt Athinës ku do të marrë pjesë në darkën joformale të ftuar nga homologu i tij grek, Kyriakos Mitsotakis.
Reklama
Lajmin për Telegrafin e ka konfirmuar zëdhënësi i Qeverisë, Përparim Kryeziu.
“Kryeministri Kurti ka udhëtuar për në Athinë ku do të marrë pjesë në darkën e ftuar nga kryeministri grek, Mitsotakis me liderët e Ballkanit Perëndimor, që po mbahet në 20 vjetorin e Samitit të Selanikut”, tha ai.
Kurti sot në Greqi, merr pjesë në darkën joformale për të ardhmen e Ballkanit Perëndimor
Kryeziu bëri të ditur se Kurti, gjatë qëndrimit atje do të zhvillojë edhe disa takime për të cilat u shpreh se opinioni do të njoftohet me kohë.
Shqipëria e ftuar në nivel presidenti nuk do të përfaqësohet në këtë takim, për shkak të agjendës së paracaktuar.
