Miroslav Lajçak ka thënë se në takimin e zhvilluar javën e kaluar me kryenegociatorët nga Kosova dhe Serbia u dakorduan për zbatimin e marrëveshjeve.
Ai ka thënë se në takim me Bislimin dhe Petkoviçqin ka diskutuar për rrugën drejt normalizimit të raporteve.
Lajçak përmes një postimi në Facebook ka njoftuar edhe për takimin që ka zhvilluar me Këshilltarin e Departamentit të Shtetit Derek Chollet të cilin e ka falënderuar për partneritetin në procesin e dialogut.
“Ishte mirë të flitej për zhvillimet e fundit në Ballkanin Perëndimor. Unë gjithashtu e informova atë për takimin e Dialogut dhe të Kryenegociatorëve. Ne ramë dakord për nevojën e zbatimit të menjëhershëm në mirëbesim. Unë jam shumë mirënjohës për partneritetin dhe koordinimin e fortë me Shtetet e Bashkuara kur bëhet fjalë për Dialogun”, ka shkruar Lajçak.
Takimi është mbajtur më 4 prill dhe ndër të tjera është diskutuar për një takim të radhës ndërmjet Kurtit dhe Vuçiqit.
