UNI – Universum International College ka lansuar zyrtarisht “Arizona State University’s AI Career Upskilling Programs në Kosovë”. Ky program i rëndësishëm është pjesë e iniciativës së ASU për edukim të vazhdueshëm dhe bashkëpunim me industrinë, i njohur si “ASU Learning Enterprise”.
UNI – Universum International College së bashku me partnerin e tij strategjik, Arizona State University, sjellin në Kosovë programin përmes të cilit do të ofrohen afër 200,000 certifikata të ndryshme, për studentë dhe profesionistë për të përmirësuar aftësitë dhe për të rikonfiguruar kualifikimet, duke i bërë ata më konkurrues në tregun e punës.
E pranishme për një jfalim rasti ishte edhe znj. Artane Rizvanolli, Ministre për Zhvillim Ekonomik në Republikën e Kosovës, e cila ndër të tjera u shpreh: “Jam e nderuar të jem këtu sot në këtë ngjarje të rëndësishme për lansimin e “Arizona State University’s AI Career Upskilling Programs në Kosovë”. Ky program përfaqëson një hap të rëndësishëm përpara në përmirësimin e kualifikimeve dhe aftësive të forcës sonë punëtore. Në një botë që po evoluon me shpejtësi, ku teknologjia dhe inteligjenca artificiale luajnë një rol gjithnjë e më të rëndësishëm, është thelbësore që ne të ofrojmë mundësi të reja për edukim dhe zhvillim profesional. Kosova ka potencial të jashtëzakonshëm për të zhvilluar një ekonomi të qëndrueshme dhe inovative, dhe investimi në edukim dhe aftësi është çelësi për arritjen e këtij qëllimi. Ne jemi të angazhuar për të krijuar një mjedis të favorshëm për zhvillimin e talenteve dhe përkrahim çdo iniciativë që promovon rritjen dhe avancimin profesional.”
Prezentimi Kryesor u realizua nga Dr. Marco Serrato, Zv. President në Arizona State University, i cili ndër të tjera shtoi se: “Arizona State University beson fuqishëm se edukimi dhe zhvillimi profesional janë çelësat që hapin dyer të reja për karrierat e individëve dhe kontribuojnë në zhvillimin e qëndrueshëm të shoqërive. E ardhmja është e ndritur, dhe së bashku mund ta ndihmojmë Kosovën që të përfitojë nga mundësitë që ofron teknologjia. Ne jemi këtu për t’ju mbështetur në këtë udhëtim dhe për të siguruar që të gjithë keni akses në burimet dhe mundësitë që ju nevojiten për të arritur potencialin tuaj të plotë.”
UNI – Universum International College vazhdon të kontribuojë në avancimin e arsimit dhe karrierave në fushën e inteligjencës artificiale në Kosovë, tani edhe më shumë nga partneriteti me Arizona State University.
Për më shumë informata, kontaktoni në: +38344144062, [email protected] ose ndiqni UNI në Facebook dhe Instagram.
