Liverpooli ka shënuar fitore ndaj Crystal Palace me rezultat 2-1, në kuadër të xhiros së 16-të në Premier League.
Pjesa e parë u mbyll pa gola, ani se kishte shumë raste për shënim nga dy anët.
Në pjesën e dytë, fillimisht Palace kaloi në epërsi me anë të Jean-Philipe Mateta nmë minutën e 57’, pasi ishte i saktë nga penaltia.
Megjithatë, Liverpooli si zakonisht u kthye në lojë duke fituar në fund. Fillimisht e barazoi rezultatin Mohamed Salah, në minutën e 76’.
Ndërsa për golin e fitores u përkujdes Harvey Elliott, në minutën 91’, me një gol të bukur.
Liverpooli pas fitores kalon në vendin e parë me 37 pikë të grumbulluara, një më shumë se Arsenali, që ka një ndeshje më pak të zhvilluar.
Topçinjtë sot do të ballafaqohen me Aston Villan, duke filluar nga ora 18:30.
