Lëvizja Vetëvendosje ka dorëzuar ankesë në Gjykatën Supreme lidhur me vendimin e Panelit Zgjedhor për Ankesa dhe Parashtresa (PZAP), për mocertifikimin e pesë kandidatëve nga radhët e kësaj partie, për zgjedhjet e 14 shkurtit, përfshirë këtu edhe liderin e partisë kandidatin për kryeministër, Albin Kurti.
Blerim Sallahu, përfaqësues ligjor i kësaj partie deklaroi se besojnë që kjo Gjykatë do të marr vendim në favorit të ankesës së Lëvizjes Vetëvendosje.
Sallahu tha poashtu se vendimi i PZAP-së është në kundërshtim me ligjin.
“Sot LVV-ja ka dorëzuar ankesë në Gjykatën Supreme kundër vendimit të PZAP-së, lidhur me -moscertifikimin e pesë kandidatëve për deputet. Ne kemi kundërshtuar vendimin e PZAP-së lidhur me atë që një normë ligjore e vendos si kriter ligjor. Amendamentet kushtetuese bëhen në Kuvendin e Kosovës, dhe PZAP-ja nuk mund ta vë si normë një amendament ligjor. Ne konsiderojmë që deputetët tonë do të certifikon nga Gjykata Supreme duke ditur edhe profesionalizimin që ka kjo gjykatë”, ka thënë Sallahu.
Poashtu sipas tij në rast se edhe Gjykata Supreme e hedh poshtë ankesën e Vetëvendosjes, kjo parti do të ankohet edhe në Gjykatën Kushtetuese.
“Patjetër që ne do ti drejtohemi edhe Gjykatës Kushtetuese për të vendosur masë të përkohshme ndaj këtij vendimi”, shtoi ai.ln