Ministrat e Jashtëm të BE-së do të diskutojnë të hënën në Bruksel për Ballkanin Perëndimor, në radhë të parë situatën në Bosnje dhe Hercegovinë dhe marrëdhëniet Kosovë-Serbi, transmeton Kosova Post.
Siç njoftoi presidenca sllovene e BE-së, Ballkani Perëndimor është një nga temat në fokus të seancës së Këshillit të BE-së për Punët e Jashtme të planifikuar për më 15 nëntor, i cili do të kryesohet nga Përfaqësuesja e Lartë e BE-së për Punë të Jashtme dhe Politikë të Sigurisë, Josep Borrell.
Do të diskutohen mundësitë për përmirësimin e bashkëpunimit BE-Ballkani Perëndimor. Sllovenia, si vend kryesues, mbështet fuqishëm forcimin e koordinimit dhe bashkëpunimit të Unionit me partnerët në Ballkanin Perëndimor, thuhet në njoftim.
Në bisedimet për Ballkanin Perëndimor, shtohet, ministrat dhe sekretarët e shtetit synojnë të fokusohen në situatën në Bosnje dhe Hercegovinë dhe në marrëdhëniet ndërmjet Serbisë dhe Kosovës.
Përveç Ballkanit Perëndimor, në seancën e Këshillit të Punëve të Jashtme do të diskutohet edhe për situatën e sigurisë dhe humanitare në rajonin e Sahelit, si dhe për çështje të tjera si Bjellorusia, kriza energjetike, situata në Sudan dhe Etiopi dhe Traktati për mospërhapja e armëve bërthamore.sh.o./Kosova Post/
