Kryeministri në detyrë, Avdullah Hoti, i cili edhe është kandidat i LDK-së për kryeministër në zgjedhjet e 14 shkurtit, në Facebook, ka postuar videon e nënshkrimit të Marrëveshjes për normalizim ekonomik Kosovë-Serbi në Shtëpinë e Bardhë, marrëveshje që vlerësohet historike, shkruan Kosova Post.
Por sipër videos, Hoti ka lënë edhe një mesazh domethënës, që vë në pah rolin dhe rëndësinë që ka pasur dhe ka LDK-ja në shtetndërtimin dhe forcimin e marrëdhënieve me aleatët ndërkombëtar me theks SHBA-të.
“Me LDK-në, Republika e Kosovës thellon bashkëpunimin dhe kultivon miqësinë e përhershme me Shtetet e Bashkuara të Amerikës”, ka shkruar Hoti në Facebook.