Cristiano Ronaldo është larguar nga Evropa, por javën e ardhshme do të përballet me Lionel Messin në një ndeshje miqësore në Arabinë Saudite. Nga ana tjetër, thuhet se Al Hilal ka bërë një ofertë marramendëse për të shtuar Messin në skuadrën e tij, transmeton Kosova Post.
Është bërë e ditur se ekipi miks i Paris Saint- Germian-it dhe klubit saudit të Ronaldos, Al Nassr, dhe rivalëve Al Hilal, do të luajnë një ndeshje miqësore në Riad më 19 janar.
PSG në pronësi të Katarit do të udhëtojë në Doha, qyteti i Kupës së Botës të Katarit, më 17 janar, përpara se të shkojë në Arabinë Saudite.
Messi u kthye te PSG javën e kaluar pasi mori lejen për të festuar medaljen e artë të Kupës së Botës nga Argjentina.
Ronaldo kohët e fundit nënshkroi një kontratë gjigante me Al Nassr, e cila është në pronësi të fondit shtetëror saudit të investimeve PIF, i bashkëkryesuar nga Princi i Kurorës Mohammed bin Salman.
Kontrata e tij me klubin zgjat deri në verën e vitit 2025 dhe thuhet se vlen mbi 200 milionë dollarë, duke e bërë Ronaldon sportistin më të paguar në botë.
Sipas raportimeve të mediave, përfshirë gazetën spanjolle Marca, Arabia Saudite synon të presë Kupën e Botës 2030 së bashku me Greqinë dhe Egjiptin, duke dashur të përdorë Cristiano Ronaldon si ambasador për të.
Al Hilal propozon një shifër të çmendur për Lionel Messin
Nga ana tjetër, Al Hilal, një nga përfaqësuesit e Arabisë Saudite, dyshohet se ka ofruar një shifër të çmendur për Lionel Messin. Kjo shifër është më shumë se paga e Cristiano Ronaldos, i cili së fundmi u transferua te Al Nassr për një tarifë rekord.
Një formulë është gjetur për Lionel Messin, të cilit i skadon kontrata me Paris Saint-Germain në fund të sezonit. Al Hilal, rivali i madh i Al Nassr në ligë, pretendohet se ka shtuar superyllin Lionel Messi në listën e tij të transferimeve.
Sipas informacioneve të dhëna nga Fabrizio Romano, ai do të fitojë afërsisht 200 milionë euro në vit, duke përfshirë edhe marrëveshjet tregtare./KosovaPost/