Valencia del në rrugë kundër Peter Lim. Mijëra tifozë të kësaj skuadre kundërshtuan ashpër këtë mbrëmje kreun e klubit përpara ndeshjes së humbur 2-1 në shtëpi ndaj Las Palmas në raundin e dhjetë të La Ligas.
Në Avenida de Suecia, rruga që të çon drejt e në Mestalla, rreth 2,000 tifozë të Valencias shfaqën pankarta dhe kënduan këngë ndaj sipërmarrësit nga Singapori, të cilin e akuzojnë drejtimin e keq të një prej skuadrave më të lavdishme dhe më të njohura në Spanjë.
“Do të të dëbojmë nga klubi ynë” dhe “Shko në shtëpi” janë vetëm disa nga mesazhet që i janë drejtuar presidentit. “Nder për çdo njeri që lufton për stemën tonë”, shkruhej në pankartën gjigante në krye të demonstratës.
Me fjalë të tjera: mbështetje maksimale për ekipin, seriozisht në vështirësi, dhe kundërshtim total ndaj Peter Limit dhe ekipit të tij.s.n.
