Ministria e Mbrojtjes ka shpallur konkurs për rekrutimin e kadetëve për vitin akademik 2023/2024, për të gjithë të rejat dhe të rinjtë që i përkasin moshës 18-22 vjeç, dhe janë shtetas të Kosovës.
Kjo ministri, ka bërë të ditur se konkursi është shpallur bazuar në legjislacionin në fuqi si dhe planin paraprak të rekrutimit për studime në akademitë ushtarake të shteteve si: Akademia Ushtarake e Republikës së Shqipërisë, Akademia Ushtarake/Universiteti i Zagrebit i Republikës së Kroacisë dhe Akademia Ushtarake e Republikës së Maqedonisë Veriore.
Konkursi i rekrutimit për kadetë do të jetë i hapur prej datës 02.05.2023 deri më 15.05.2023, shkruan teve1.info.
Njoftime shtesë nga Ministria e Mbrojtjes:
Kandidatët e interesuar duhet të plotësojnë formularin e aplikimit online https://rekrutimi.fsk-rks.org/Apply dhe bashkëngjisin të gjitha dokumentet tjera të kërkuara nga ky formular.
Njoftimi për shpalljen e konkursit mund të gjendet edhe në web faqen e MM-së, https://mod.rks-gov.net.
Kandidatet kanë të drejtë të aplikojnë deri në ditën e fundit të përmbylljes së konkursit.
Për informata plotësuese, mund të kontaktoni në nr. tel. 038- 555584 2044 dhe 038- 555584 2045 nga ora 09:00 deri 15:00 dhe në email [email protected].
