Ministria e Shëndetësisë ka njoftuar se sot gjatë ditës janë njoftuar për gjendjen e rënduar shëndetësore në të cilën gjendet pacienti Ilir Z, transmeton KosovaPost.
Sipas njoftimit, pas trajtimit disa ditor në QKUK, Ilirit i duhet trajtim urgjent jashtë vendit.
Ministria ka njoftuar se Iliri është pajisur me dokumentet e duhura nga Fondi për trajtim mjekësor jashtë Institucioneve Publike.
“Si rrjedhojë pas Raportit Konziliar të lëshuar nga mjekët në QKUK, brenda ditës Iliri tashmë është pajisur me dokumentet e duhura nga Fondi për trajtim mjekësor jashtë Institucioneve Publike.”, thuhet në njoftim
Ministria e Shëndetësisë bën të ditur se mbulon shpenzimet e trajtimit për Ilirin sipas legjislacionit në fuqi.
“Ilirit i urojmë shërim të shpejt e kthim sa më të shpejt në familjen e tij!”, thuhet në njoftimin e ministrisë.
