Vedat Muriqi i është kthyer golit ndonëse kishte një mungesë të gjatë pa shënuar në La Liga. Muriqi ka qenë protagonist kryesor në fitoren e Mallorcas prej 4:2 ndaj Villarrealit në kuadër të xhiros së 22.
Ndeshja e zhvilluar në “Palma de Mallorca” është zhbllokuar në minutën e 20-të nga një gol i Kadwere, i cili ka shënuar pas një asisti të marrë nga Muriqi.
Pavarësisht inferioritetit numerik kanë qenë miqtë që kanë shënuar në minutën e 43-të duke barazuar shifrat me Morales, por festa e tyre nuk ka zgjatur shumë. Në fakt,vendasit janë kthyer në avantazh në minutën e 45-të falë një goli të shënuar nga Rodriguez.
Pjesa e dytë ka nisur me golin e barazimit të Villarreal, i shënuar nga Chukwueze, por ka qenë përsëri Rodriguez që ka kthyer në avantazh Mallorca-n në minutën e 56-të.
Shtatë minuta më vonë ka ardhur goli i sigurisë për vendasit që është shënuar nga pikërisht nga Vedat Muriqi. Shtatlarti ka marrë një top në zonë dhe nuk ka falur duke shënuar golin e tij të nëntë në këtë kampionat të La Liga-s.
