Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim kryetarin e Gjilanit, z. Alban Hyseni, me të cilin diskutoi për bashkëpunimin e deritanishëm ndërmjet Bashkësisë Islame të Kosovës, e në veçanti të Këshillit të BI-së së Gjilanit dhe Komunës së Gjilanit.
Myftiu Tërnava u shpreh i kënaqur për angazhimin e Komunës për mbështetjen e aktiviteteve fetare dhe shoqërore, duke përmendur se vetëm kështu të bashkuar dhe të unifikuar mund ta zhvillojmë shoqërinë tonë dhe ta bëjmë atë edhe më të qëndrueshme përballë sfidave.
Nga ana e tij, kryetari Hyseni, theksoi rëndësinë e bashkëpunimit të ngushtë ndërmjet institucioneve, duke përmendur kështu rolin e institucioneve fetare në forcimin e solidaritetit dhe mirëqenies së qytetarëve.
Kryetari Hyseni në këtë takim shoqërohej nga kryetari i Këshillit të BI-së së Gjilanit, Naim ef. Aliu.
