Sekretari i përgjithshëm i Ministrisë së Shëndetësisë, Naim Bardiqi, ka dhënë dorëheqje nga bordi drejtues i Shërbimit Spitalor Klinik dhe Universitar të Kosovës (ShSKUK), pas përfundimit të mandatit njëvjeçar të kryesuesit.
“Jashtëzakonisht mirënjohës dhe falënderues për kolegialitetin dhe bashkëpunimin”, ka deklaruar Bardiqi pas përfundimit të mbledhjes së Bordit.
Anëtarët e Bordit e kanë falënderuar Bardiqin për bashkëpunimin. Dren Boshnjaku edhe pse ka thënë se ky njoftim ka ardhur papritur dhe se nuk ka qenë në dijeni, e ka falënderuar Bardiqin për shkak të ndarjes së përvojës së tij me anëtarët tjerë.
“I kam premtuar ministrit se do të qëndroj për një vit”, ka deklaruar Bardiqi.
“Të falënderoj për bashkëpunimin se ne si anëtarë të ri nuk kemi pas shumë përvojë në këto çështje”, ka deklaruar Boshnjaku. /Shneta
