Sasia e madhe e detektuar e elementit kimik, mangan, në Liqenin e Badovcit bëri që me 19 tetor Instituti Kombëtar i Shëndetësisë Publike të Kosovës të kërkojë nga qytetarët që të mos furnizohen me ujë të pijes nga ky liqe. Mirëpo gati një jave pas ata thonë se gjendja e krijuar tashmë nuk është alarmante derisa tregojnë shkaqet që kanë çuar
Ky liqen artificial u ndërtua në vitet e 60-ta.
Prej liqenit të Badovcit furnizohen me ujë të pijshëm një pjesë e Prishtinës.
Mirëpo po bëhen gati një javë që aty u detekua një sasi e një elementi kimik të quajtur mangan.
Kjo bëri që situata të alarmohet dhe të vendosen autobotë në pjesë të ndryshme të Kryeqytetit e në Graçanicë për furnizim me ujë të pijshëm.
Mirëpo krahas këtyre pothuajse gati një javë pas, nga Inistuti Kombëtar i Shëndetësisë Publike, thonë se situata nuk është alarmante.
Burbuqe Nushi nga ky institut tregon shkaqet që kanë çuar në ngritjen e nivelit të manganit dhe rreziqet që mund t’i sjell ai në rast të rritjes së vlerave.
“Fenomeni i ngritjes i vlerave të manganit është fenomen natyror në ujërat sipërfaqësor, nuk ndodh vetëm tek ne ndodh në gjithë botën, është fenomen natyror i lidhur me stinë zakonisht në pranverë dhe në vjeshtë. Është për shkak të ndërrimit të temperaturave dhe ciklit të ujit brenda. 02:52 – 03:19 Zakonisht mangani ka simpotomatologji në dridhje të duarve, trremori, jostabilitet në të ecur, më të ndishëm janë bebet pra foshnjet, pleqtë, gratë shtatëzane dhe të semurët…”, tha Burbuqe Nushi nga IKSHPK.
Tutje Nushi, njëherit edhe eksperte e ujërave tregon se si do parandalohej një fenomen i tillë.
“Esenca kryesore është me ngop me oksigjen me rrit ajrimin gjatë procesit të teknologjisë, me fry erë dhe me ra shi që me u ngop me oksigjen”, u shpreh Nushi.
Ndërkohë edhe nga Kompania Rajonale e Ujësjellësit “Prishtina” përmes një përgjigje elektronike bëjnë të ditur se gjendja e krijuar nuk është alarmante.
“Ne si KRU” Prishtina” jemi duke bërë përpjekje maksimale për t’i furnizuar qytetarët me ujë të pijshëm përmes autobotëve në zonat e prekura. E kemi edhe obligim ligjor. Shpresojmë që situata të përmirësohet shumë shpejt. Gjendja nuk është alarmante”, tha zëdhënësja e KRU “Prishtina”, Arjeta Mjeku.
Vlerat e manganit në Liqenin e Badovcit sipas IKSHPK-së janë rreth 0.2 deri në 0.3 miligram për litër.
