Shtëpia iu dogj para një muaji. Kështu, I.Rr jeton në barakë me katër fëmijët e saj. Derisa kushtet për jetesë i kanë tejet të vështira, Komuna e Prishtinës thotë se rastet e tilla duhet të paraqiten në komunë, në mënyrë që t’u mundësohet pagesa e strehimit.
Në këtë formë zonja e shtëpisë po mundohet ta mbajë ngrohtë dhomën ku është strehuar.
Duke jetuar në këtë mënyrë asaj dhe fëmijëve çdo ditë po u rrezikohet jeta.
Ndërkaq vështirësitë u janë shtuar pasi në këtë barakë kishte hyrë uji.
“K’tu shpia kur u kall, k’to janë kanë veç me tesha veshun çka janë metë. Ngusht, nja mi nja flejnë po çka m’i ba, është shumë zor se ngusht, se k’tu me ngreh kta deri k’ha, k’tu prek n’shporet, nuk guxoj pa e qitë n drrasë qitu; me qitë poshtë është krejt toka qull, s’ki shancë k’tu me flejt”, thotë ajo.
Problem për të ka qenë edhe përgatitja e ushqimit për fëmijët.
“Jam lodhë shumë e jam mërzitë tepër, arsyeja që as s’po kam ku me i la fëmijët, po duhet me i la përjashtë, derisa ma ka pru ni kojshi qit shporet, qit kusi, edhe me gatu e kom pasë v’shtirë se kom gatu n’ni plin, me bocë t’plinit kom gatu ni javë ditë a 10 ditë. Dëshira jem ma e madhe është që me i shti për Bajram fëmijën n’shpi”, theksoi ajo.
I.G thotë që nuk ka kontaktuar institucionet për ndihmë.
Teksa nga Komuna e Prishtinës thonë se për raste të tilla mundësojnë pagesën e strehimit.
“Në rast se kemi qytetar i cili si pasojë e zjarrit apo si pasojë e ndonjë fatkeqësie natyrore i pamundësohet apo nuk ka mundësi që të strehohet, atëherë komuna, Drejtoria për Mirëqenie Sociale i mundëson, bëjmë pagesën e strehimit gjashtë deri një vjet.”, deklaroi drejtori i Drejtorisë për Emergjenca në Komunë të Prishtinë, Lulzim Fushtica.
Fushtica shton se këto raste duhet të paraqiten në komunë për të plotësuar formularët, në mënyrë që të procedohet tutje me ndihmat e nevojshme.
NUMRI KONTAKTUES I I. RR: 045 803 547
