Duke komentuar narracionin, sipas të cilit kryeministri, Albin Kurti është i rrezikshëm në pushtet, analisti Arton Demhasaj, i ka thënë kryetarit të Partisë Socialdemokrate, Dardan Molliqajt që edhe ai ka hise në ngritjen politike të Kurtit.
Demhasaj ka thënë se me ardhjen në pushtet deri në 50 për qind të votave, kryeministri i ka marrë me ndihmën e ish-pjesëtarëve të Vetëvendosjes dhe partive opozitare.
“Nëse Albin Kurti është i rrezikshëm në pushtet, atëherë krejt ju që keni qenë pjesë e Vetëvendosjes e pjesë e rrugëtimit tij politik, madje jo vetëm ju që keni qenë pjesë e Vetëvendosjes, por edhe dy partitë tjera opozitare AAK dhe NISMA, kanë hise në krejt këtë rrezik që po na kanoset si pas jush tash nga Albin Kurti si kryeministër- gjithë ju i keni ndihmu në rritjen e tij politike dhe në ardhjen deri në fitimin e 50 për qind dhe pushtetin që tash e ka. Pra gjithë ju keni faj që Albin Kurti është i rrezikshëm, sepse ju edhe si individë por edhe si parti opozitare”, ka thënë Demhasaj, në emisionin “Këndi i Debatit”, në Tëvë1.
Kësaj deklarate i është përgjigjur Molliqaj, i cili tha se nëse ai ka ndikuar tek dikush, ai duhet ta dijë që kur e ka pasë mirë dhe kur jo.
“Nëse unë kam ndiku edhe dikush më ka dëgju mu për mu bo me Albinin ai njeri ka faj, pse s’më ngoj edhe më vonë se unë i njëjti njeri jam, pra unë kam faj që njerëzve ju kam thënë se Albin Kurtin duhet me votu, veç nuk munesh me më thënë mu që m’ke dëgju kur ke thënë që është mirë e nuk më ke dëgju kur kam thënë është keq. Se unë nëse e kam pas njëherë keq, njëherë e kam pas mirë”, ka deklaruar Molliqaj.
