Kapiteni i Bayern Munich, Manuel Neuer, e ka cilësuar të rrezikshme ndërhyrjen e portierit italian Gianluigi Donnarumma ndaj futbollistit Jamal Musiala gjatë ndeshjes së Kupës së Botës për Klube.
Mesfushori i Bayern Munich ka pësuar një lëndim të rëndë në kyçin e këmbës. Futbollisti njëzet e dy vjeçar, që është pjesë e Kombëtares së Gjermanisë, është lënduar në minutat shtesë të pjesës së parë pas një përplasje në zonën e PSG-së. Gjatë një dueli me mbrojtësin Willian Pacho, portieri Gianluigi Donnarumma e ka goditur pa dashje mbi kyçin e majtë, duke ia përdredhur atë.
Pas incidentit, Neuer ka treguar se ka folur me Donnarumma për situatën.
“Kur ndodhin gjëra të tilla, nuk ka rëndësi nëse lëndohet kundërshtari apo bashkëlojtari yt”, ka thënë Neuer. “Prandaj shkova te ai dhe i thashë: ‘A nuk dëshiron të shkosh atje, te Jamali? Ai po qëndron në spital, është lëndim i rëndë. Mendoj se është në rregull të shkosh e t’i kërkosh falje nga respekti’”.
Pas këtij bisede, Donnarumma ishte afruar te Musiala. “Të gjitha lutjet e mia janë me ty, Jamal”, ka shkruar në Instagram./rtk
