Njerëzit të cilët kanë sasi të mëdha yndyre të depozituara rreth organeve të tyre derisa plaken mund të jenë në rrezik më të lartë të zhvillimit të sëmundjes së Alzheimerit, sugjeron një studim i ri.
Kjo lloj yndyre nuk reflektohet domosdoshmërisht në një indeks të lartë të masës trupore.
Yndyra viscerale, e cila mund të grumbullohet rreth organeve edhe të njerëzve me BMI të shëndetshme, shoqërohet me ndryshime në tru potencialisht dekada përpara se të shihet ndonjë simptomë e rënies njohëse.
Yndyra viscerale është i lidhur me inflamacion sistemik – i cili ndodh kur sistemi imunitar rritet vazhdimisht edhe kur nuk ka kërcënim për shëndetin dhe nivele më të larta të insulinës, të cilat të dyja mendohet se janë të përfshira në zhvillimin e alzheimerit, tha autori i studimit, neuroradiologu Cyrus Raji.
Sipas Raji, shenjat se mund të keni grumbulluar yndyrë rreth organeve tuaja përfshijnë:
-Belin që është më i madh se ijet, shkruan NBC News, transmeton Klankosova.tv.
-Sheqeri i gjakut që është mjaftueshëm i lartë për një diagnozë të diabetit ose prediabetit.
Kur studiuesit analizuan matjet e yndyrës dhe skanimet e trurit së bashku, ata zbuluan se pjesëmarrësit me më shumë yndyrë viscerale kishin akumulime më të mëdha të amiloidit në trurin e tyre, duke sugjeruar se ata mund të ishin në rrezik më të lartë për të zhvilluar sëmundjen e alzheimerit.
Hulumtimet e mëparshme kanë treguar se inflamacioni dhe nivelet e larta të insulinës, të cilat mund të bllokojnë proteinat që shpërbëjnë amiloidin në tru, janë të lidhura me yndyrën viscerale, tha Raji.
