Mediat pro-qeveritare njoftuan se presidenti i Serbisë, Aleksandar Vuçiq, e ka anuluar paraqitjen e sotme në Dnevnik të televizionit publik RTS dhe dyshohet se i ka thënë shërbimit publik që në vend të tij të ftojë Savo Manojloviçin, kandidatin e lëvizjes “Shko-Ndrysho” për kryetar të Beogradit.
Sipas mediave pro regjimit, Vuçiq dyshohet se është ankuar në RTS se Manojloviq ka qenë dy herë i ftuar në RTS në dy ditë, si dhe se në duelin parazgjedhor në shërbimin publik, tre përfaqësues të opozitës kanë qenë të ftuar kundër një përfaqësuesi të SNS-it.
Megjithatë, kur shikon të dhënat e misionit vëzhgues të KRRTRSH-së, sigurisht që nuk qëndrojnë arsyet e zemërimit të presidentit serb. Përkatësisht, CRTA-së dje bëri të ditur se deri më tani janë regjistruar më shumë se 700 paraqitje të përfaqësuesve të pushtetit në rreth 300 manifestime në Beograd.
Nënkryetarja e misionit CRTA-s, Tamara Brankoviq, tha se Vuçiq ishte sërish në ballë të fushatës, edhe pse nuk është kandidat në asnjë nga zgjedhjet e 2 qershorit, raporton N1.
“Vuçiq i është drejtuar publikut 55 herë në 55 ditë, pra çdo ditë gjatë fushatës dhe ka qenë në lajme dy herë më shumë se të gjithë aktorët e tjerë, si në pushtet ashtu edhe në opozitë”, theksoi Brankoviq.
Ajo theksoi se partia në pushtet në këtë fushatë parazgjedhore ka kaluar kufirin mes fushatës vendore dhe asaj kombëtare duke u dërguar qytetarëve mesazhe sikur të ishte veprimtari shtetërore.
Gjithashtu, sipas gjetjeve të CRTA-s, të gjitha televizionet me mbulim kombëtar, përfshirë edhe të ashtuquajturin RTS, kanë favorizuar në masë të madhe përfaqësuesit e koalicionit qeverisës ndaj përfaqësuesve të opozitës në këtë fushatë zgjedhore. /Telegrafi/
