Korporatat më të mëdha të ushqimit ultra të përpunuar në botë po pengojnë përpjekjet globale për të trajtuar krizën e obezitetit duke ngritur padi kundër qeverive që përpiqen të promovojnë dieta më të shëndetshme, tha sot drejtori i përgjithshëm i Organizatës Botërore të Shëndetësisë (OBSH), Tedros Adhanom Ghebreyesus.
Ai akuzoi kompanitë globale të ushqimit për pengimin e miratimit të masave jetësore për të përmirësuar shëndetin publik dhe kujtoi se në botë ndahen miliarda dollarë për shërbime shëndetësore dhe shpenzime ligjore, raporton “The Guardian”.
Pothuajse një miliard njerëz në mbarë botën jetojnë me obezitet, dhe një dietë e pashëndetshme është një nga shkaqet kryesore të sëmundjeve të zemrës, kancerit dhe diabetit të tipit 2.
