Presidentja e vendit, Vjosa Osmani thotë se demonstratat e vitit 1981 janë dëshmi e kohës nga përpjekja e hershme e Kosovës për lirinë.
Sipas saj, Kosova u bë Republikë, pasi studentët aso kohe dëshmuan se janë forcë lëvizëse e proceseve.
“Demonstratat e nisura më 11 mars 1981 u pasuan edhe nga shumë protesta të tjera, por me synimin e njëjtë. Kosova u bë Republikë, ngase studentët e asaj kohe dëshmuan se janë forcë lëvizëse e proceseve dhe se e drejta për liri dhe shtet është e patjetërsueshme. Sakrifica dhe guximi i tyre 42-vite më parë, e trasuan rrugën për liri dhe për shtet. Në këtë përvjetor kujtojmë studentët e rënë dhe të gjithë të tjerët që u bënë bartës dhe realizues të idealeve kombëtare!”, është shprehur ajo.
Me datën 4 mars të vitit 1981 studentët e Kosovës organizuan një protestë në Prishtinë për kushte më të mira në mensën e tyre.
