Presidentja e Kosovës, Vjosa Osmani e ka pritur sot në takim kryetarin e Kuvendit të Maqedonisë së Veriut, Talat Xhaferin, me të cilin ka diskutuar edhe për nismën e Ballkanit të Hapur.
Osmani ka konsideruar se kjo nismë është një mjet i Serbisë për shtrirjen e hegjemonisë së saj në rajon.
Kështu sipas saj, Rusia dhe shtete e tjera përmes marrëveshjeve me Serbinë po përpiqet të shtrijë ndikimin në rajon.
“Prandaj nismën për Ballkanin e Hapur, Presidentja Osmani e konsideron si mjet të Serbisë për shtrirje të hegjemonisë së saj në rajon. Sipas Presidentes, Rusia dhe shtetet e tjera autokratike përmes marrëveshjeve me Serbinë po përpiqen ta shtrijnë ndikimin e tyre të dëmshëm në rajon”, ka thënë ajo.
Kjo është bërë e ditur përmes një njoftimi për media nga Presidenca.
