Shefja e Bankës Qendrore Evropiane (BQE), Christine Lagarde, theksoi se digjitalizimi dhe zhvillimet teknologjike kanë transformuar të gjitha fushat e shoqërisë, duke shtuar se pandemia e koronavirusit të ri (COVID-19) ka përshpejtuar prirjen drejt digjitalizimit të parasë, transmeton Kosova Post.
Lagarde shkroi një artikull për revistën “L’ENA hors les murs” në Francë me temën “E ardhmja e parasë – Sjellja e risive derisa ruhet besimi”.
Ajo duke informuar se natyra e parasë në histori është ndryshuar në varësi të ndryshimeve socio-ekonomike, tha se funksionet e tyre si njësi e shkëmbimit dhe llogaritjes kanë mbetur të njëjta për shekuj.
“Mësime të rëndësishme mund të nxirren nga e kaluara për të kuptuar faktorët që ndikojnë në rrugëtimin drejt së ardhmes së parave, përfshirë prezantimin e mundshëm të një euro digjitale”, u shpreh Lagarde.
Sipas saj me specializimin e ekonomive, tregtia u bë më e nevojshme dhe një mjet universal i shkëmbimit ishte i nevojshëm për ta lehtësuar këtë.
“Procesi i COVID-19 ka përshpejtuar këtë prirje drejt digjiitalizimit, me një zhvendosje drejt pagesave online dhe pa kontakt në dyqane”, tha ajo.
Më tej, shefja e ECB-së bëri të ditur se në eurozonë janë rritur pagesat që nuk janë kesh, duke arritur në 98 miliardë me një rritje prej 8,1 për qind. Lagarde vuri në dukje se në të ardhmen, lëshimi i euros digjitale mund të bëhet thelbësor për pavarësinë monetare.
“Euroja digjitale do të jetë simboli i procesit të integrimit evropian që po vazhdon dhe si përfundim do të ndihmojë në bashkimin e ekonomive digjitale të Evropës”, theksoi ajo.aa
