Deputetët e Partisë Demokratike të Kosovës dhe të Lidhjes Demokratike të Kosovës kanë lëshuar sallën, pas disa orësh tensionesh me pushtetin.
Ata kanë lëshuar sallën sapo ka përfunduar seanca e jashtëzakonshme dhe ka nisur koha e pyetjeve parlamentare.
Deputeti i LDK-së Arben Gashi ka thënë se vlerësojnë se është e paarsyeshme të vazhdojnë me seancë dhe ka deklaruar se grupi i tij, nuk marrin pjesë.
“Pika të të cilat janë në rend dite në këtë seancë janë delikate dhe të cilat gjenerohen në një situatë të pa lakmueshme në seancën e Kuvendit, vlerësojmë se është e paarsyeshme me vazhdu dhe si grup parlamentar nuk marrim pjesë në seancë”- tha Gashi.
Të të njëjtit mendim u shprehën edhe nga PDK-ja, deputetët e së cilës poashtu lëshuan sallën.
Sot në kuvend, gjatë kohës sa ishte duke dhënë fjalim kryeministri Albin Kurti ka ndodhur një përleshje fizike.
E gjithë kjo nisi kur deputetja e PDK-së Ganimete Musliu vendosi një foto në foltoren e Kuvendit, përderisa Kurti po deklarohej, një fotografi të kreut të ekzekutivit më hundë të madhe.
Më pas zëvendëskryeministri Besnik Bislimi është ngritur nga karriga e tij dhe ka grisur fotografinë.
Lushtaku më pas është parë duke e shtyrë fizikisht ministren e Drejtësisë, Albulena Haxhiun. Ndërkaq deputeti i PDK-së, Hajdar Beqa shihet duke goditur fizikisht ministrin Murati. Bislimi shihet teksa gjuan një shishe në drejtim të Lushtakut.
