Ministri në detyrë i Bujqësisë, Faton Peci ka thënë se Qeveria Kurti2, rezultatet më të mira i ka në Mitrovicë.
Madje, duke vlerësuar punën e kësaj qeverie me kryeministër Albin Kurtin, ai ka thënë se pas kryeministrit të parë të Shqipërisë, Ismail Qemajli, Kurti është i vetmi lider që ka rikthyer 17% të territorit me vetëm një hero.
“Mund të them se prej qeverisjes së parë shqiptare të Ismail Qemajlit, Albin Kurti, është i vetmi lider në historinë e shqiptarëve që ka arritur me rikthyer 17% të territorit të Republikës së Kosovës me një hero. Dhe rrjedhimisht ai e ka interesimin që pjesën e rezultateve të veriut me rikthyer në nivel të mirëqenies dhe zhvillimit të Mitrovicës në jug, që do të reflektonte si faza e dytë e kalimit prej investimeve në siguri dhe sovranitet në pjesën zhvillimore dhe infrastrukturore në pjesën e Mitrovicës. Kryeministri është i gatshëm që edhe borxhin publik të Republikës së Kosovës me rrit për 16% vetëm e vetëm që të futemi në projekte madhore dhe zhvillimore në Mitrovicë”, ka thënë Peci.
Peci i pyetur se pse ai si bashkëthemelues i partisë Guxo, është kandidat i LVV-së e ka lidhur suksesin e qeverisë në veri dhe punën e tij si ministri më i votuar.
“Ai ka pa tek unë kartën, mundësinë. Qeveria Kurti rezultatet më të mira i ka në veri dhe ministri që ka qenë më i votuari i Qeverisë Kurti 2 duhet të zbarkojë në Mitrovicë”, ka thënë Peci.
