Dokumentet e klasifikuara që detajojnë planet sekrete amerikane dhe të NATO-s janë shfaqur në Twitter dhe Telegram, transmeton Kosova Post.
Dokumentet e klasifikuara të luftës që detajojnë planet sekrete amerikane dhe të NATO-s për ndërtimin e ushtrisë ukrainase përpara një ofensive të planifikuar kundër trupave ruse u postuan këtë javë në kanalet e mediave sociale, thanë zyrtarë të lartë të administratës së Biden.
Pentagoni po heton se kush mund të ketë qenë pas rrjedhjes së dokumenteve, të cilat u shfaqën në Twitter dhe në Telegram, një platformë me më shumë se gjysmë miliardë përdorues që është gjerësisht e disponueshme në Rusi.
Analistët ushtarakë thanë se dokumentet duket se janë modifikuar në pjesë të caktuara nga formati i tyre origjinal, duke mbivlerësuar vlerësimet amerikane për të vdekurit e luftës në Ukrainë dhe duke nënvlerësuar vlerësimet e trupave ruse të vrarë.
Ndryshimet mund të tregojnë për një përpjekje dezinformimi nga Moska, thanë analistët. Por zbulimet në dokumentet origjinale, të cilat shfaqen si fotografi të grafikëve të dërgesave të parashikuara të armëve, fuqive të trupave dhe batalioneve dhe planeve të tjera, përfaqësojnë një shkelje të konsiderueshme të inteligjencës amerikane në përpjekjen për të ndihmuar Ukrainën.
