Policia e Kosovës ka bërë të ditur se mbrëmë rreth orës 20:00, disa lokale në rrugën “Stoclholm” në Prishtinë janë përfshirë nga zjarri.
Sipas raportit 24-orësh të policisë, raportohet se lokalet janë përfshirë nga zjarri në rrethana të panjohura.
“Raportohet se në rrethana deri më tani të panjohura janë përfshirë nga zjarri disa lokale. Njësitë relevante policore, prokurori i shtetit, zjarrfikësit dhe eksperti i zjarrit kanë dalur në vendin e ngjarjes”, thuhet në raportin 24-orësh të policisë.
Rasti është duke u hetuar.