Në ditën e 37-të të luftës së Gazës, burime në Rripin e Gazës raportuan se ushtria izraelite ka intensifikuar bombardimet kundër Rripit të Gazës.
Në mes të konflikteve shumë intensive në katër anë është ndërprerë komunikimi i Organizatës Botërore të Shëndetësisë me punonjësit e spitalit Al-Shafa në Gaza. Sipas ISNA, burimet e lajmeve raportuan se 31 persona janë martirizuar gjatë orëve të fundit në sulmet ajrore të Izraelit në Gaza. Gjithashtu, forcat okupatore sioniste bombarduan një maternitet, si pasojë e të cilit ranë dëshmor dy mjekë, si dhe bombarduan me dronë kompleksin mjekësor Al-Shafa.
Pushtuesit vazhdojnë bombardimet në afërsi të spitalit al-Shifa, i cili ka dalë jashtë funksionit që prej ditës së djeshme. Këto sulme së bashku me ndërprerjen e plotë të rrymës së këtij spitali, e ka bërë të pamundur përdorimin e pajisjeve mjekësore për pacientët. Një burim mjekësor palestinez raportoi martirizimin e një numri të plagosurish, duke përfshirë dy fëmijë, për shkak të ndërprerjes së energjisë elektrike në kompleksin mjekësor al-Shafa në perëndim të qytetit të Gazës. Ndërkohë, “Martin Griffiths”, zëvendëssekretari i përgjithshëm i Kombeve të Bashkuara për Çështjet Humanitare, të shtunën tha se nuk ka asnjë justifikim për veprimet ushtarake në qendrat mjekësore. Griffiths shtoi: Të shtënat ndaj pacientëve dhe civilëve që përpiqen të arratisen janë të papranueshme dhe duhet të marrin fund.
Zëvendës Sekretari i Përgjithshëm i Kombeve të Bashkuara theksoi: “Spitalet nuk janë fusha beteje dhe duhet të jenë të sigurt.” Një orë më parë, Gjysmëhëna e Kuqe Palestineze njoftoi se tanket dhe mjetet e blinduara të regjimit sionist kanë rrethuar spitalin Al-Quds nga të gjitha drejtimet. Organizata Botërore e Shëndetësisë në një deklaratë njoftoi: “Ndërsa raportet e tmerrshme të sulmeve të përsëritura në spital vazhdojnë, ne mund të imagjinojmë se ata me të cilët punojmë dhe ndërveprojmë atje, u janë bashkuar dhjetëra mijëra njerëzve të zhvendosur që janë larguar nga rajoni. Gazetarja e Al Jazeera, Heba Akila thotë: Qindra familje palestineze që janë bllokuar brenda shtëpive të tyre në lagjet e banuara dhe janë dëshmitarë të sulmeve izraelite në qytetin e Gazës, u kanë kërkuar organizatave përkatëse, veçanërisht Kryqit të Kuq Ndërkombëtar, që t’i largojnë nga atje. Ajo shtoi: Këto familje kanë të plagosur, disa prej të cilëve kanë vdekur për mungesë mjekimi, pasi autoambulancat nuk mund të shkojnë nga spitalet në zonat e banuara që bombardohen dhe sulmohen nga forcat pushtuese.
Nga ana tjetër, Ministria e Shëndetësisë e Gazës dje në statistikat e saj të fundit njoftoi se numri i dëshmorëve të sulmit të regjimit pushtues që nga 7 tetori (fillimi i operacionit të stuhisë Al-Aksa) ka arritur në 11.208 persona, nga të cilët 4.506 janë fëmijë, 3027 janë gra, 678 persona janë të moshuar. Sipas këtyre statistikave, 29.500 palestinezë janë plagosur dhe 27.000 janë të zhdukur.
