Pasi u transferua te Reali i Madridit gjatë merkatos së verës, Mbappé ka hyrë në një botë të re në krahasim me Paris Saint-Germain, ku kaloi shtatë vitet e fundit.
Pavarësisht se trajtohet ndryshe në “Santiago Bernabéu”, kapiteni i kombëtares franceze është gjithmonë i kujdesshëm për veprimet dhe gjestet e çdo shoku të tij të skuadrës. Mbappé ka folur për Bellinghamin dhe Vinicius Jr. me prindërit e tij.
Kylian Mbappé ka qenë protagonisti i madh në Madrid këto ditët e fundit. Gabimet e tij në disa ndeshje me Blancos, veçanërisht humbja e penalltisë në Ligën e Kampionëve kundër Liverpoolit (2-0), e kanë vënë atë në qendër të vëmendjes në Spanjë.
Që nga mbërritja e tij te Real Madrid verën e kaluar, komentet nuk kanë pushuar, duke sugjeruar se ai do të destabilizonte dhomën e zhveshjes të Madridit. Disa kritikë të lojtarit të ‘Bondy’ madje kanë hamendësuar se ai mund të kishte pasur përplasje me Vinicius. Por ndodhi e kundërta, pasi francezi zbuloi se ndihej mirë me brazilianin.
Sipas informacionit nga Defensa Central, Mbappé ndihet i lumtur te Real Madrid, ku ka qenë i befasuar nga mirënjohja dhe pritja që ka marrë nga shokët e tij të skuadrës.
Ai ka pranuar se Vinicius dhe Bellingham e kanë befasuar “në mënyrë pozitive”. Megjithëse është në klub vetëm për disa javë, ai ndihet si njëri nga ata.s.n.
