Debat i ashpër po zhvillohet aktualisht në Komisionin Qendror të Zgjedhjeve.
Kjo pasi që zyra për Certifikimin e Partive Politike dhe Kandidatëve ka rekomanduar që listat e kandidatëve të për deputetë të miratohen, dhe kësisoj kandidatët të certifikohen ashtu siç janë. Ky rekomandim nënkupton certfikimin edhe të kandidatëve që kanë probleme me ligjin.
Kjo ka shkaktuar reagimin e anëtarëve të KQZ-së nga PDK dhe LDK të cilët kanë kritikuar zyrën për certifikime se ka dorëzuar rekomandimin shumë vonë.
Kësisoj ata kanë kërkuar që t’i kenë shkresat, rekomandimet dhe të gjitha dokumentet me të dhëna, në atë formë që të arrihet një vendim.
Në të njëjtën vijë të mendimit ka qenë edhe kryetarja e KQZ-së, Valdete Daka e cila ka thënë se është krijuar paqartësi se cilët kandidatë plotësojnë kriteret dhe cilët jo.
Kërkesën për shtyerjen e mbledhjes e kanë refuzuar kandidatë të VV-së, të cilët kanë thënë se mund të vonohen afatet ligjore për organizimin e zgjedhjeve.
Ndërkaq, nga zyra për certifikim kanë kërkuar që rekomandimi i tyre të votohet si i tillë, ndërkaq që përgjegjësinë për filtrimin e listave të marrin organet e ankesave, përfshirë PZAP-në.
Mbledhja po vazhdon ende teksa nuk dihet nëse certifikimi i kandidatëve do të hidhet në votim. ln
