Sipas të dhënave të Organizatës Botërore të Shëndetësisë, sëmundjet kardiovaskulare janë shkaku kryesor i vdekjeve në botë.
Kardiologia Tara Narula pohon se sëmundjet kardiovaskulare vrasin më shumë gra sesa të gjitha format e kancerit së bashku, por shumë gra ende nuk janë të vetëdijshme se këto sëmundje janë kërcënimi më i madh për shëndetin.
“Pothuajse 45 për qind e grave mbi 20 vjeç jetojnë me një formë të sëmundjes kardiovaskulare. Për gratë në veçanti, disa modele shëndetësore që fillojnë që në fëmijëri mund të çojnë ose të parashikojnë zhvillimin e disa sëmundjeve të zemrës në të ardhmen. Për shembull, ardhja e ciklit të parë në moshën dhjetë vjeç ose më herët rrit rrezikun e problemeve të zemrës, si preeklampsia dhe diabeti gestacional, gjithashtu mund të jenë shenja paralajmëruese”, tha ajo për Today.
Ajo tregon se kujdesi për shëndetin e zemrës mund të duket kërkues, por është shumë i rëndësishëm. Kështu ajo veçoi pesë gjëra që janë të panegociueshme kur bëhet fjalë për shëndetin e zemrës, shkruan Index.hr, transmeton kk.
Edhe pse ajo theksoi veçanërisht rëndësinë e kujdesit për shëndetin e zemrës për gratë, ajo këshillon të gjithë që të mos bëjnë kurrë pesë gjërat e mëposhtme:
Injorimi i dhimbjes ose shqetësimit
Besimi se ne jemi imun ndaj sëmundjeve të zemrës
Neglizhimi i menaxhimit të stresit ose shëndetit mendor
Injoranca e historisë mjekësore familjare
Duke anashkaluar gjumin.
