Policia e Kosovës ka njoftuar se gjatë kontrollit në Leposaviq ka gjetur dy pushkë gjuetie dhe fishekë.
Ndërsa në Zveçan siç thuhet në raportin e policisë një person ka dorëzuar në stacion policor dy armë gjuetie dhe një revole pa fishekë.
Armëmbajtje pa leje/ Leposaviq / 27.05.2024 – 12:00. Policia gjatë kontrollit në shtëpinë e të dyshuarit mashkull kosovar ka gjetur dhe sekuestruar një pushkë gjuetie me shtatë fishekë për të cilat i dyshuari nuk kishte leje. Në konsultim me prokurorin i dyshuari është intervistuar dhe rasti shkon në procedurë të rregullt.
Zveçan / 27.05.2024 – 10:20. I dyshuari mashkull kosovar ka dorëzuar në stacion policor dy armë të gjuetisë dhe një revole pa fishekë. Në konsultim me prokurorin rasti shkon në procedurë të rregullt.
Leposaviq / 27.05.2024 – 12:00. Policia gjatë kontrollit në shtëpinë e të dyshuarit mashkull kosovar ka gjetur dhe sekuestruar një pushkë gjuetie, dy karikatorë dhe 115 fishekë për të cilat i dyshuari nuk kishte leje. Në konsultim me prokurorin i dyshuari është intervistuar dhe rasti shkon në procedurë të rregullt, thuhet në raportin 24 orësh të Policisë së Kosovës.
