Qindra mijëra izraelitë dolën në rrugë dje pasi Netanyahu shkarkoi ministrin e Mbrojtjes, Gallant, i cili bëri thirrje për t’i dhënë fund rregullores së diskutueshme gjyqësore që çoi në një krizë politike dhe protesta masive në vend.
“Ne kemi humbur kontrollin mbi protestat,” tha një zyrtar i lartë i policisë në Izrael i cili kërkoi të mbetet anonim, sipas gazetës Haaretz.
Një zyrtar tjetër i sigurisë tha: “Ajo që është duke ndodhur jashtë është çmenduri. Ata që mendojnë se duke spërkatur përsëri ujë mbi protestuesit do të qetësohet gjendja e kanë gabim. Ne nuk do të mund ta kontrollojmë këtë situatë”.
Gazeta Yedioth Ahronoth gjithashtu raportoi për protestat duke theksuar se, “Policia ka humbur plotësisht kontrollin e demonstratave të mëdha që u zhvilluan në arterien kryesore të Tel Avivit, Ayalon, pas shkarkimit të ministrit të Mbrojtjes”.
Gazeta shkruante se policia në zonë nuk i pengoi as protestuesit që u dyndën këtu të hynin në zonë.
“Reforma gjyqësore” e qeverisë së koalicionit të udhëhequr nga Netanyahu, e cila kufizon kompetencat e gjyqësorit, shihet nga opozita si një rrëmbim i pushtetit në favor të autoritetit ekzekutiv.
Pas shkarkimit të Gallant, qindra mijëra izraelitë dolën në rrugë për të protestuar kundër rregullores gjyqësore dhe shkarkimit të ministrit Gallant, duke bërë thirrje që Netanyahu të “dorëhiqet”.
