Një turist belg, i cili ishte bllokuar në një zonë vështirë të qasshme në vendin e quajtur “Shkëmbi i Tujanit” në Shqipëri, është shpëtuar pas një operacioni të koordinuar nga policia atje dhe Njësia Apline e Forcës Kombëtare të Sigurisë Tiranë, njofton “Policia e Shtetit” në një postim në Facebook.
Bëhet e ditur se operacioni i shpëtimit ka nisur menjëherë pas njoftimit të marrë nga shërbimet e policisë, të cilat kanë organizuar ekipin për të lokalizuar turistin. Për shkak të terrenit të vështirë dhe errësirës, kërkimet kanë zgjatur disa orë gjatë mbrëmjes.
Turisti ka shprehur mirënjohjen për shërbimet e policisë për ndihmën e ofruar dhe shpëtimin në kohë.
Policia e Shtetit ka nënvizuar angazhimin e saj për të ofruar asistencë qytetarëve dhe turistëve në çdo situatë emergjente.
