Këtë javë Perëndimi ka rritur mbështetjen e tij për Ukrainën përmes ofrimit të tankeve.
Të mërkurën, Gjermania tha se do të furnizojë Ukrainën me 14 tanke luftarake Leopard 2 dhe do të autorizojë vendet e tjera evropiane të dërgojnë deri në 88 të tjera.
SHBA tha gjithashtu se planifikonte të dërgonte 31 tanke Abrams M1 për forcat ukrainase.
Dhe duke bërë një vlerësim rreth asaj nëse Rusia mund të shqetësohet për tanket, zëvendës-Marshalli në pension Sean Bell tha se kjo ishte hera e parë që Perëndimi ka kaluar nga “mbështetja mbrojtëse në mbështetje sulmuese”.
Veç kësaj, sipas tij, “do të jetë një nga trajnimet më të mira të disponueshme në botë për këta drejtues tankesh ukrainas”.
Ai i tha Sky News: “Ne kemi dëgjuar se kanadezët tani po reagojnë gjithashtu. Ata do të ofrojnë katër tanke. Është vetëm një numër i vogël, por ata i bashkohen një koalicioni prej 12 vendeve tani, të gjitha do të përpiqen për të futur këto tanke të ngjashme në Ukrainë”.
Duke parë se çfarë po ndodh në terren tani, ai tha se dukej sikur rusët po kryejnë sulme në Vuhledar në Donbas dhe Orikhiv në rajonin e Zaporizhzhia.
“Pa dyshim ajo që Rusia do të dëshirojë të bëjë është të kryejë ofensivën e saj të madhe përpara se këto tanke të hyjnë në Ukrainë”, shtoi ai.
