Presidenti rus, Vladimir Putin ka zhvilluar një takim me zëdhënësin presidencial të turqisë, Ibrahim Kalin. Në fokus të bisedimeve ka qenë lufta në Ukrainë. Mediat e huaja raportojnë se, përfaqësuesi i Kremlinit, Dmitry Peskov njoftoi se gjatë takimit Putin u tregua i gatshëm për të hapur negociata me NATO-n mbi luftën në Ukrainë.
“Ne nuk duam luftë përgjithmonë, ne nuk do të ikim nga negociatat”, mësohet të ketë thënë Putin.
Kërkesa kryesore e Putinit është që negociatat të zhvillohen me SHBA-në dhe Perëndimin, veçanërisht me Gjermaninë.
“Megjithatë, Perëndimi gjithashtu duhet të marrë parasysh kushtet tona“, është shprehur ai.
Kjo deklaratë vjen pasi udhëheqësi kinez Xi Jinping bëri thirrje të enjten për bisedime paqeje mbi Ukrainën. Pekini, i cili e sheh Moskën si një partner në kundërshtimin e dominimit të SHBA-së në çështjet globale, është përpjekur të shfaqet neutral në konflikt, por i ka dhënë Putinit mbështetje diplomatike dhe justifikime të përsëritura ruse për sulmin e shkurtit 2022.
