Familja e veprimtarit të vrarë të Lidhjes Demokratike të Kosovës Haki Imeri, ka dalë me një shkrim në Facebook, lidhur me bllokadën institucionale që është krijuar me moskonstituimin e Kuvendit.
Më saktë, kjo familje përmendi dhe komentoi më shumë qasjen politike të LDK-së, ku vlreësoi se kjo parti po përballet me “rrezikun më të madh në histroinë e saj”.
Madje, për këtë u kritikua ashpër Abdixhiku ku u tha se qëllimi i tij “është i qartë: ta shkatërrojë LDK-në”.
“Ky parashutist politik, i latuar me kujdes nga prapaskenat, nuk po e çon LDK-në përpara – po e çon drejt varrit.
Republika nuk mbrohet me fjalë, boshe…”, shkroi ndër të tjera familja Imeri.
Shkrimi i plotë:
Miq,
Koha nuk është vetëm për të votuar.
Por për t’u përballur me mashtrimin, me lojën e ndyrë që po bëhet ndaj shtetit dhe ndaj vullnetit tuaj.
Sot, institucionet po bllokohen qëllimisht.
Jo nga të huajt, por nga ata që gojën e kanë ‘shtet’ nga brenda.
Nga ata që flasin shqip, por veprojnë për llogari të huaja.
-Thonë se po’ mbrojnë’ Republikën, por në fakt po e shkelin, po e gjunjëzojnë dhe po e përdorin për interesa të errëta.
-LDK po përballet me rrezikun më të madh në historinë e saj.
-Jo nga kundërshtarët, e jashtëm, por nga kryetari i saj marionetë e përsosur e atyre: që plagosën, dhe dhunuan lirinë, demokracinë për dy dekada …
-Qëllimi i Lumir Abdixhikut është i qartë: ta shkatërrojë LDK-në.
-Në debat plus tha nuk më intereson e kaluara e LDK, tash LDK-ja është tjetër parti (parafrazim) e deklaruar si ‘rruga e re ‘ e Edi Ramës…
-Në pamje të jashtme duket se partia është rritur, por realiteti është ndryshe ka ngecur.
Mbeti e treta.
E dobësuar.
E përçarë.
Tani fajin po e hedhin te njëri-tjetri.
Akuza për vjedhje votash, manipulime, pisakama një skenar i riorganizuar po i bëhet LDK-së për ta fundosur përfundimisht.
Një shërbim i pastër për SHIK-un.
Me këtë veprimtari vetëshkatërruese, LDK mezi do ta kalojë pragun.
Dhe atëherë çfarë do të thotë Abdixhiku?
Ky parashutist politik, i latuar me kujdes nga prapaskenat, nuk po e çon LDK-në përpara – po e çon drejt varrit.
Republika nuk mbrohet me fjalë, boshe…
Koha e përgjegjësisë ka ardhur.
Koha për të zgjedhur mes mashtrimit dhe të vërtetës.
Mes shkatërrimit dhe ringritjes.
