Kryeministri i Shqipërisë, Edi Rama në Samitin e Liderëve Rajonal “Plani i Rritjes, rruga jonë në BE”, që po mbahet në Tiranë e ku po merr pjesë edhe kryeministri në detyrë i Kosovës, Albin Kurti, tha se Ballkani Perëndimor ka zgjedhur që të ecë përpara bashkë me Planin e Rritjes, por edhe se nuk po kërkojnë lëmoshë për të hyr në Bashkimin Evropian,
Gjatë fjalimit, Rama ka thënë se me zgjedhjen e ballkanasve, Evropa është më e sigurt.
“Ballkani Perëndimor ka zgjedhur të ecë përpara sëbashku me Planin e Rritjes si udhërrëfyesin tonë të bashkëndarë. Një udhërrëfyes jo drejt Brukselit por drejtë lirive dhe mundësive të tregut të përbashkët evropian të cilët qytetarët tanë i përkasin prej historisë, gjeografisë e fatit. Më mirë vonë se kurrë do të mund të thotë dikush, sidomos pas gjithë atyre shanseve kur trenat e bashkëpunimit rajonal u nisën dhe ne mbetëm në platformë. Duke luftuar me mosmarrëveshjet e vjetra, në vend që të blinim një biletë në vend të së ardhmes”, tha Rama.
Rama deklaroi se Ballkani Perëndimor nuk po kërkon ndere, duke shtuar se drejtë Evropës nuk po ecin me duar bosh, por me detyrat e plotësuara të shtëpisë.
“Evropa nuk është diçka të cilën po e presim, është diçka që po e ndërtojmë. Çdo gjë e diskutuar të çon te një e vërtetë e thjesht. Ballkani perëndimor nuk po kërkon ndere, dhe kjo është diçka që mund të ndihet e të dëgjohet në çdo pohime e deklaratë të udhëheqës rreth tryezës. Askush nuk po kërkon nder, askush nuk po thërret për tu shpërblyer me ëmbëlsira. Gjithkush vjen me krenarinë për të ofruar vlerë, mund e djersës. Falë Zotit, nuk duhet gjak. Ne nuk po lutemi për të hyrë në Bashkimin Evropian, nuk kërkojmë lëmoshë, po provojmë çdo ditë se jemi çdo ditë se jemi gjithmonë e më gati. Po japim rezultate dhe më lini që ta them në mënyrë më të drejtpërdrejtë. Sa i takon pjesës së konvergjencës, me konvergjencën e Ballkanit Perëndimor Evropa bëhet më e fortë. Në qoftë se Ballkani Perëndimor është stacioni atëherë Evropa bëhet më e dobët. Nuk ka variant të një Evropë më të fortë me një rajon të dobët ballkanik në mes të saj. Nuk po ecim drejtë Evropës me duar bosh, e aspak si ata që lypin lëmoshë. Po ecim me rezultatet të arritura, me reforma të realizuara, investime të siguruar dhe me detyrat tona të shtëpisë të plotësuara në çdo hap”, tha ndër të tjera Rama.
Ai në fund theksoi se zgjedhja e ballkanasit do të jetë truporja e Evropës.
“Të gjithë e dinë por edhe Marta e di më mirë, për sigurinë tuaj zgjidheni një ballkanas dhe kjo funksion gjithmonë. Dhe për sigurinë e Evropës, zgjidhni ballkanasit, ne mund të jemi truprojat e Evropës dhe më pas Evropa do të ndihet më e sigurt dhe shumë më e qetë në gjumin e saj”, theksoi Rama
