Nga Dr. SC. Abedin Sutaj, Vjenë, me 14 dhjetor 2025
Në kohë kur hapësira publike shqiptare shpesh dominohet nga zhurma, improvizimi dhe mungesa e vizionit afatgjatë, figura e Shefqet Gjocajt shfaqet si një përjashtim i domosdoshëm: intelektual i veprimit, krijues i palodhur dhe njeri i përkushtuar ndaj shoqërisë, jo ndaj interesit personal.
Ai përfaqëson atë tipologji të rrallë të mendimtarit dhe veprimtarit që ndërton, ruan dhe projekton vlera — në art, në kulturë, në dije dhe në jetën publike.
Shefqet Gjocaj ishte dhe është, profesor, mentor, magjistër i shkencave, skenarist, regjisor, aktivist kulturor dhe raportues në kohë të vështira historike, njohës i shumë gjuhëve dhe shumë letërsive dhe kulturave.
Por mbi të gjitha, ai është dëshmi e gjallë se dija, kur bashkohet me përkushtimin qytetar, shndërrohet në forcë transformuese për shoqërinë. Në një realitet ku intelektualizmi shpesh reduktohet në teori sterile, Gjocaj ka zgjedhur rrugën e veprimit konkret, duke e vendosur dijen në shërbim të interesit publik.
SHOTA – Nga ansambël folklorik në institucion identitar
Një nga kontributet më domethënëse të Shefqet Gjocajt është udhëheqja shumëvjeçare e Ansambli Kombëtar i Kengeve dhe Valleve “Shota”, të cilin ai e ka konsoliduar dhe shndërruar në një platformë kulturore të qëndrueshme dhe të përhershme. Nën drejtimin e tij, SHOTA nuk ishte thjesht një ansambël performues, por një institucion identitar që i dha zë dhe formë kujtesës kolektive shqiptare në kohë dhe hapësirë.
Falë vizionit të tij, folklori nuk u trajtua si relike muzeale, por si gjuhë e gjallë kulturore, e aftë të komunikojë me brezat e rinj dhe me botën. Ky është një kontribut shtetformues në vetvete: sepse kombet nuk mbahen vetëm me ligje dhe kufij, por me kulturë, kujtesë dhe vetëdije historike.
Vizioni enciklopedik dhe angazhimi për paqe e zhvillim Me një qasje enciklopedike dhe horizont të gjerë intelektual, Gjocaj angazhohet vazhdimisht për paqen, dialogun ndërgjeneracional dhe zhvillimin kulturor.
Ai ka qenë dhe mbetet zë i arsyes në raportimin ndaj realiteteve të vështira shoqërore, politike dhe historike, duke ruajtur integritet profesional dhe etikë qytetare. Angazhimi i tij për ruajtjen dhe risjelljen e trashëgimisë shtetformuese dardane nuk është nostalgji, por projekt për të ardhmen: sepse pa rrënjë të qarta historike, asnjë shoqëri nuk mund të ndërtojë identitet të qëndrueshëm modern.
Njohuri politike që mungojnë në qendrat e vendimmarrjes
Shefqet Gjocaj zotëron njohuri të thella politike, të ndërtuara mbi përvojë shumëvjeçare praktike dhe reflektim intelektual — njohuri që fatkeqësisht shpesh mungojnë në Kuvendin e Kosovës dhe në dhomat udhëheqëse politike të Dardanisë.
Ai nuk është produkt i improvizimit politik, por rezultat i një rruge të gjatë studimi, pune dhe përgjegjësie qytetare. Njohës i shkencave ekzakte, shkencave shoqërore dhe arteve, Gjocaj përfaqëson një figurë të gjithanshme, të domosdoshme për përparimin e Kosovës.
Kontributi i tij nuk kufizohet vetëm në politikë, por shtrihet në nivelet më të larta akademike dhe kulturore të vendit — aty ku formësohen mendjet dhe orientimet e së nesërmes.
Votë për dije, kulturë dhe ardhmëri
T’i japësh votën Shefqet Gjocajt do të thotë t’i japësh votë dijes përballë mediokritetit, kulturës përballë harresës dhe vizionit afatgjatë përballë interesit të ngushtë ditor. Do të thotë të zgjedhësh një përfaqësues që e kupton shtetin jo si privilegj, por si përgjegjësi. Në një moment historik kur Dardania ka nevojë për orientim të qartë, për dinjitet institucional dhe për përfaqësim me substancë, figura si Shefqet Gjocaj nuk janë luks — janë domosdoshmëri.
Ai është zë i arsyes, i kujtesës dhe i së ardhmes.
T’i japësh mbështetje Shefqet Gjocajt do të thotë t’i japësh mbështetje vetë ardhmërisë së Kosovës ( Voto 75).
