Deputeti socialist Bujar Çela, i cili është në mesin e të plagosurve nga shpërthimi në Lushnje, ka mbërritur në spitalin e Traumës në Tiranë.
Pritet që ai t’i nënshtrohet një ndërhyrjeje, nëse kjo cilësohet si e nevojshme, dhe të gjitha ekzaminimeve mjekësore, raporton Tvklan.
Në të njëjtën kohë me deputetin te spitali i Traumës ka ardhur edhe autoambulanca me një tjetër të plagosur.
Më herët u raportua lajmi për vdekjen e 24 vjeçarit Elidon Hoxha, djali i Roland Hoxhës i cili ndërroi jetë që në momentet e para të shpërthimit masiv.
Një depozitë shpërtheu në flakë në orën 16:05 pasi vinçi ku ndodheshin babë e bir preku linjën e tensionit të lartë, në kantierin ku po ndërtohej një objekt.
